民建聯？民主黨？

雖然我有政治取態，但我唔會開哂大聲公，叫人唔好投票俾邊個，呢個做法同選舉時o個ｄ助選人員一樣，惹人討厭。

如果你問我，我覺得其實區議會同立法會選舉，係可以分開o黎睇o既。

地方工作（我唔係話節日派禮物，冬天食蛇宴，秋天好旅行，朝早搞晨運），真係需要錢o既，有財力，有人手，一定好辦事。如果你見區議員唔計搞福利都做得好，選佢其實無可厚非。有冇被選中，政黨如果有錢的話，其實都應該o係地區做野，一來要增加知名度，二來其實選票唔係選傳宣傳嗌下、派下傳單就有o既，而係平日「播定種」，等選舉時有收成。所以一早開定條路，其實係正確o既，只係有ｄ黨莫財，想做都做唔到罷了。

至於立法會，因為搞o既係全港性政策，選民選o既唔係地區事務爭取人，係自己o既議事堂代言人，所以佢地o既背景、立場、政治取態，就變得非常重要。

當然，呢度要提一提，因為無論邊一級議會o既議員，薪金一部份都會上繳政黨，因此議員人數同政黨收入係相關o既。本身資源多o既黨財來自有方，議員薪金冇咁重要，但窮鬼政黨就一個也不能少。因此當年政府要取消三級議會中o既市政局同區域市政局，就被認為係要「陰乾」民主黨o既一招。

呢個考慮唔係地區工作成績，而係對某一政黨o既支持。你問得呢個問題，我當你係選民啦，咁應該都有一定年紀同智慧去作通盤考慮。

圖片參考：http://hk.yimg.com/i/icon/16/57.gif

根本並無不妥！

　眾所周知，民建聯的財力和人力物力等，都一向比民主黨及其他民主黨派豐裕（在中央政府支持下，據悉某國貨公司一年閒閒地捐幾百萬，財政資源自然優裕，而左派動員的能力非常厲害）；民建聯派人到該區向居民大獻殷勤（最喜歡帶居民去吃蛇及郊外旅行），無非都是希望這仁兄可在該區取得議席，繼而可以影響該黨在該區，甚至整個觀塘區的影響力。

　個人認為，雞脾打人牙骱軟，居民享用得別人提供的服務而去支持別人，是無可厚非的；但居民該留意，這名仁兄是否真心真意為居民服務？做不做到政績，與黨有沒有錢是另一回事。

　市民應該對事不對人，總之你認為哪位仁兄肯為街坊出力的，不貪飲貪食的話，做就將票投給他就可以。