我會唔會有精神病？

Question

我年幾前同一個我愛，但佢只係當我玩具咁玩既人斬斷左果種曖昧既關係。
其實我愛佢之前佢都係對我好好，好溫柔，雖然可能係錯角黎......
但係佢之後俾人踢穿佢係當我玩具咁玩，佢都仲係對我好好，好似以前咁。
直到我同佢斬斷左曖昧既關係之後，佢先開始對我慢慢地冷淡，
不過當佢見到我功課唔識做，又會好似以前咁整我，仲要係佢前女友面前咁整，
當佢見到我唔開心，仲要唔出聲就令到成班人全部靜哂(果陣係圖書館，我學校個圖書館好細，我唔出聲就搞到連唔係圖書館館理員既人都幾乎靜哂，PS:我朋友多數都係圖書館館理員)，佢都有係我面前揮下手，睇下我有冇反應。
但係我就由斬斷關係之後，一直睇住佢既FB,Instagram,wts,一大堆野，
好似監視佢咁.....(我都知我咁做好唔岩，不過真係控制唔到....)
一見到同以前差唔多既場景，例如睇電視見到個男仔一隻手挨係牆到整估個女仔，又會諗起佢，仲差D想喊。。。

再加上我父母俾左好多壓力我，我媽又好似精神病人咁，每日都係咁嘈嘈嘈，有咩唔開心就搵我黎出氣，我唔係果科既材料就話我蠢...(省略一堆)

我咁樣會唔會有精神病？
如果會有既話係咩病同埋可以點減輕？
(我唔出得街，呢加報左VTC等面試，我只可以同之前D朋友用電腦傾計聯絡)

? · Accepted Answer

但係佢之後俾人踢穿佢係當我玩具咁玩，佢都仲係對我好好，好似以前咁。
仲係對妳好好,  主要原因係想維持曖昧,  得閒玩下,  悶又玩下 ...

直到我同佢斬斷左曖昧既關係之後，佢先開始對我慢慢地冷淡
妳都唔肯扮玩具,  佢緊係冷淡啦 !

我媽又好似精神病人咁，每日都係咁嘈嘈嘈，... (省略一堆)
我咁樣會唔會有精神病？
妳媽咪唔係精神病, 係生活壓力大,  太多野煩.   所以妳都無精神病

如果會有既話係咩病同埋可以點減輕？ 
失戀症候群囉 ~
唔好再睇佢嘅 FB,Instagram,wts,一大堆野
剷晒佢以前係 FB 嘅留言，E-mail 嘅全部信件，wts 嘅信息 ...

妳日日睇佢嘅野, 只會更加放唔低, 更加激氣 ... 又點可以比時間幫妳沖淡一切 ?
留住哂過左去嘅假話有乜用 ?   嗰啲係佢對玩具講嘅說話,  而妳係人 !

呢加報左VTC等面試
好好為面試做準備啦 !   順便分散妳對佢嘅注意力   
入左 VTC 之後, 識返啲新朋友, 適應下新環境,  ... 妳就唔會覺得自己有精神病架啦 ~

匿名 · Answer

環境造就人
多的找人聊天，聊你心裡的感受。
你媽媽是為你好，話你蠢那只是她不會表達。
把他以前D一切都刪除了吧！別留戀了。

我會唔會有精神病？

2 個解答