請求peterchan7708再協助解答難題, 謝謝!.

Question

peterchan網友:

你好,看完你的解答,令我明白一切,但我再想問一問如果

在離婚時,女方想爭取贍養費及分資產是否一定要經法官

去裁決,其實我可否請律師在辨理離婚手續時向男方提出

要求呢??因我知如要求男方申報所有資產,他一定反面罵

到我死或打我。我是個無工作的主婦,只想爭取一些生活

費幫補生活所需,希望你可以教我應怎樣做才對呢??

還有想問一個聯名戶囗,如對方在分居時取消戶囗,女方可

否要求男方分一半錢給她。如果男女雙方沒有爭拗,是否

就代表層樓,、戶口及股票,女方沒有名字就全部歸男方

擁有一切,女方就一毫子都沒有得分及男方一分錢也不用

比女方呢?

peterchan7708 · Accepted Answer

1. 如果雙方未能就贍養費及分資產達成協議, 咁就要經法官去裁決.2. 你當然可以請律師在提出離婚時向男方提出, 佢應唔應承就唔知啦.3. 無乜特別嘢可以教你喎. 你一係就同佢傾掂數, 一係就由法官判.4. 視乎個聯名戶囗係 “任何一方可操作” 定 “聯名操作”. 如果係任何一方可操作, 咁佢一個人就可以取消戶囗.俾唔俾番一半你就睇佢啦. 如果係聯名操作, 咁就要一齊去銀行取消. 到時你可以叫銀行將一半轉入你私人戶囗. 法律上, 聯名戶囗內嘅錢係大家嘅, 無規定每人佔幾多%, 所以無法律規定一定要俾一半你. 同樣地, 如果戶囗係任何一方可操作,咁你一個人全部攞走哂d錢兼取消戶囗, 佢亦吹你唔漲. 基本上係邊個 “做得出” 同邊個 “手快”, 邊個就可以佔有部份或全部戶囗內嘅錢 (聯名操作除外).5. 你條問題唔合邏輯. 你說 “無爭拗就女方一毫子都無得分” - 無爭拗即係達成協議, 點會無得分 (除非佢自已唔要)? 你係想說你唔去爭就無得分係嗎? 咁如果你唔去爭, 佢當然可以唔俾贍養費你, 而所有佢名下嘅嘢你當然無份.

請求peterchan7708再協助解答難題, 謝謝!.

1 個解答