如果政府係9月28日開槍鎮壓佔領人士, 今日香港政情會係點?

首先要解決一個問題,就係邊個可以落命令開槍,如果答案係特首,你估佢會唔會大膽到唔知會習總?

咁好勒,開槍係為咩先?以北京角度,而家件事唔係發生係天安門,絕對唔入肉,亦唔會怕國際壓力,最怕係台灣點睇(今次國民黨慘敗,香港係有影響),因為收回台灣係終極目標.

咁如果開槍,現實上股市必然大跌,所有以股票做抵押借貸既上市公司就被追爆,銀行體系亦受波及,國內經濟嚴重崩潰,劍指政權穩定性,係足以亡黨(非亡國).

所以,任何有機會危害政權既可能性,共產黨都唔會比佢出現,其中經濟係最重要,香港經濟可以唔理,但絕不容許場火燒番上大陸.

2014-12-05 15:32:37 補充：

而家咁攪法,學生理念完本係高尚,但行為就拖低哂道德價值,政府其實係錯,好衰唔衰,d學生做既野更比政府錯,然後又變成政府好似岩番d.

譬如話絕食,假設10月頭就展開,第一人數有幾千唔奇,第二感染力會好強,而家先黎絕食要求對話係太遲,亦已經對過一次.

其他佔領旺角,衝政總等行為更係愚蠢,就算係有時係無間道老屈,都顯示出雙學冇領導能力去維持一個社會運動,坦白講,上台叫人去衝,任何人去叫,效果一樣,但叫得停果個,先係有領袖風範.

最後應該清場,我擔心d學生凍死,返去再攪清楚成個抗爭應該點運行先再做野.

2014-12-05 15:41:11 補充：

樓下朋友,佢2個最令人討厭既地方,就係完全唔知佢地想點,黃之鋒第一日發起佔領人民廣場,然後引發928事件係代表作,但之後就係患得患失,根本冇哂節奏,而且最累事係攪到交通,因為始終唔係所有市民都支持運動,或者選擇冇意見既人,係唔能夠拖佢地落水,佢地都要生活.

我相信很多人會罵政府，會罵政府不給予大家一個表達訴求的機會，大家會覺得政府不講理由。

但時至今日，很多人都被佔中人士影響了生活，現在很多人都對佔中者感不反感，現在每當我在電視看見黃之鋒及周永康時，都覺得這二人很討厭。