佔中集會最終會被解放軍清場的可能性有多高?

回應下施丹兄及大文兄。如我係另一條題所講，我day 1 開始就唔信解放軍會出動。首先呢件事其實係小事，只係以香港人既角度來講大d姐，但對大陸來講實在係小事一件。廿五年前大陸錯過一次，無理由會衰多次咁蠢。

其次，佔中行動大致上雙方唔算十分暴力，只係少少講手，無謂小事化大。但更重要係，自從特首係上星期四冷靜回應及佔領行動嚴重影響民生後，整個行動已喪失道德高地及光環，亦暴露左整個行動根本唔係爭取民主既本質，令整個行動愈來愈失去焦點及動力。係無暴力清場既情況下，依家金鐘及旺角佔領區既人數已少好多，證明整個行動遲早愈縮愈細，最後不了了之。

但佔中唔係香港民主發展既真正戰場，最關鍵既反而係立法會是否否決普選方案，呢個先係爭取民主既最重要一役。

好高,

依家示威者, 已經唔怕打, 唔死人恐怕收唔到科.......呢個係兩日前嘅睇法。

今日?死咗人一樣收唔科, 只會激更多人出嚟。

解放軍清場機會唔大,因為場火會燒番上大陸,博唔過,假如係有出動既可能性,首日就已經先出橡膠彈.

呢個唔係大陸敢唔敢既問題,而係有冇價值既問題,首先恆指應該起碼一萬點樓下,呢個都算勒,收番台灣既可能性又低左,因為台灣人見到咁,反應一定好大,收復台灣必然係重要過收番香港.

除非有一個理由,但目前諗唔到,就算示威攪事都應該先出防暴警察,出到實彈係一定完場,香港人仲未至於餓到要同你博命,有飯食緊要過有民主.

2014-10-02 23:03:38 補充：

我始終認為香港對中國既重要性係冇,國內經濟未來10年都係針對內銷,咁香港係有D似係示範單位,做比台灣睇.

收番台灣係一件極重要既事,講真,大陸打貪既事都緊要過香港.

出解放軍真係唔係講笑,係格殺勿論,唔可能會出現上次警察清場失手既情況,所以出得就一定死人,佢地唔會舉牌同你警告,打仗你幾時見過會有警告?

唉,所以機會應該係低,亦都唔想啦.

2014-10-03 01:50:59 補充：

另外主權問題,其實已經收番,再收應該係治權,你問錯左.

我咁講啦,譬如你有10間餐廳,分別由10個經理管理.咁如果個D經理作反,基本上你只係會炒左佢然後換人,而係唔會親自做哂10間店既經理.

2014-10-03 14:29:53 補充：

朋友,呢d環境,錯一隻字都會死人,譬如我而家號召你圍堵警察總部,點知你就誤解為衝擊,圍堵同衝擊,分別就差好遠喇,後者真係可以開槍架.

而家最怕就係d學生唔太明白做多樣同做少樣既分別.

2014-10-06 10:07:04 補充：

兩睇啦,如果係條街示威都開槍打,咁係講唔通,但如果衝擊政府建築物,開槍打就冇得好講.

至於出解放軍,個對立面會好大,唔單係使唔使咁勁既問題(其實可以開槍,警察已經有能力解決),而係大家仲係咪自己人既問題,譬如家事嘈到報警,報完警就好難再係一家人.