北韓有否能力一戰 ??

henry兄既問題的確值得討論。無論人又好，國家又好，佢大口氣唔代表真係有實力。北韓日日都叫囂打冧美韓，但唔好忘記60幾年前既韓戰係無聲無息發動，美韓聯軍差D全軍覆沒，只做不說既人永遠最厲害。

北韓經常高姿態發表好戰言論，極力想係全世界面前顯示一個軍力強盛既形象，不過真正強大既國家如美國、俄國及中國從來都唔會宣傳自己國力強盛，反而心虛既國家先會日日話自己勁，希望靠嚇就可以令人屈服，呢D係連小學生都不如既行為。

要開戰，北韓可以點樣打﹖射核彈﹖佢支飛彈射程夠唔夠遠﹖有無超過5支可以用﹖打陸戰，人民軍心知肚明天馬虎坦克同M1及K1A2既差距有幾遠，唔通真係唸住用人海戰術正面衝鋒美韓防線﹖北韓最有威脅既係重炮部隊，據聞可以摧毀漢城大部份市區，但摧毀漢城之後又點﹖人民軍有咩把握可以抵擋美、韓，甚至加埋日本在內既海、陸、空全面進攻﹖北韓成日話佢有好多特種部隊，規模數以萬計，但全球頂尖強國既真正精銳特種部隊通常得幾百人，以北韓呢種天下第一窮國，佢既特種部隊會有幾特別﹖如無意外，佢地既質素只會係伊拉克共和國衛隊既水平。

中國內戰、韓戰及越戰表面上係以弱勝強既例子，但必須注意韓戰解放軍有蘇聯出錢、出人及送上整整六十幾個師既裝備、整支空軍及大量技術支援，然後中朝聯軍付出幾十萬傷亡既代價先至同聯合國軍打成平手。越共一樣由蘇聯及中國全力人力物力與技術支持先至可以維持，但整場戰爭打左成廿年，付出數以百萬傷亡，仲要係美國主動放棄既情況下再打多三年先至贏。依家連中國及俄國都唔幫北韓，佢仲惡得咩出樣﹖原來近幾年北韓鐘意係金日成冥壽既日子玩野射飛彈，今年同以前一樣只係慣例叫陣，呢兩日全世界都等緊北韓做野，佢偏偏無料到，証明完全係心虛。估計成件事最多只係北韓射向公海幾支飛彈交差，然後寸咀幾句就不了了之。

2013-04-11 21:58:08 補充：

可以好確實話比樓下ob君知，如果北韓夠膽開戰，北韓必輸，而且未必撐到一個月。美國加南韓加日本既實力大到難以想像，北韓係全世界最窮最落後既國家，無人支持佢呢場仗完全唔駛打。重要既係原本北韓最強既後盾中國及俄羅斯都已經唔再盲目支持，如果北韓高層仲有少少理智，絕對唔敢開戰。

2013-04-12 21:27:08 補充：

回henry兄，小弟之所以肯定第二次韓戰北韓必敗無疑，係因為北韓不僅與敵人實力差天共地，而且最重要既北韓被全世界孤立，必須獨自與全球巨強對戰，情形有如兩次大戰中既德國。但攞北韓比喻德國完全係侮辱左後者，當年德國係全球最先進既國家，與眾強國對戰尚且兩次徹底失敗，北韓同全世界開戰會有乜下場﹖

2013-04-12 21:32:50 補充：

北韓為掩飾自己微不足道既國力，唯有營造人民軍規模巨大既形象希望可以嚇得下人。現代戰爭人多就會贏﹖即使北韓可以動員數以百萬計軍隊，美國既完全制空權可以徹底切斷北韓既物資供應，如果北韓無外力幫忙，完全無撐落去既可能。

2013-04-12 21:37:14 補充：

即使第二次韓戰人民軍可以係戰爭初期攻陷南韓幾個大城市及多個戰略目標，但由於北韓過於落後，面對美、日、韓聯軍，係無外援既情況下完全無可能抵抗現代化聯軍既海、陸、空全面立體進攻。人民軍手上既戰利品注定係鏡花水月，比聯軍攞番只係時間既問題。

2013-04-12 21:45:30 補充：

其實六十年前既韓戰exactly係上面講既情況。金日成大軍無聲無息突然進攻南韓，完全將美韓聯軍打到措手不及，聯軍全線崩潰。只不過三日，人民軍已攻佔南韓超過八成地方，聯軍損失過半，相反人民軍表面上仍完好無缺，攻擊力歷久不衰。但咁又點﹖人民軍無論係規模、裝備、補給、經驗等所有方面都完全無法同已元氣大傷既美韓聯軍相比。無論北韓軍如何輸番進攻釜山防禦圈都無法趕聯軍下海，金日成終於知道大鑊。最後人民軍實力原形畢露，比美軍一個仁川登陸就搞到全線潰退。

一起玩情趣用品網路商城，提供成人情趣用品、情趣內衣等，全省宅配到府、超商付款包裝隱密，歡迎參觀選購。

一起玩情趣用品官網：http://www.17one.net/

一起玩情趣用品粉絲團：https://www.facebook.com/17one

我同意steven兄所講，北韓不是真打亦無料打。

和平年代，南韓軍事戒備非常鬆懈。之前天安號事件，竟可以比北韓偷襲成功。如果北韓重施故技，無聲無色再搞一次南韓，或者短期可成事，但要大打，除非美國塌左。

依家肥仔恩日日得把聲，要打一早就打左，根本不會講咁多廢話。肥仔恩上台唔耐，啱啱搞店幾個軍官，想在軍中樹立威信，先虛張聲勢。依家美國將F22等先進戰機武器運去南韓，北韓同美國打，無疑自殺。

另想回應樓主所講以差劣軍備對抗強大軍隊，

國際上打仗，可以用非對稱軍力撼低強國的，一般都是防守，越戰就係一個好例子。而進攻，必須傾巢而出，動用大部分國力，而北韓依家的軍事，咪話打人，自己防守都有問題。

2013-04-14 01:52:23 補充：

南韓的情報係有問題，如果無問題就不會俾北韓用微形潛艇炸沉天安艦。但南韓之所咁淡定，除左陽光政策影響，更加因為深信北韓唔敢真打。尤其係依家形勢，南韓有美國支持。而北韓日嘈夜嘈已經引起國際警惕，佢要明搶實彈，只會送死。

不過如果北韓靜俏俏搞一次偷襲，事先不作任何預報，成事機會的確好大，但依家，睇黎只係一場花生騷。

They Are Not A Powerful Army In Asia Of Usage

? ================================ ?

2005 " World War Weapons " 2035

北韓有否能力一戰 ??背水一戰, 有能力又點, 兩敗俱傷, 對方輕傷自己重傷, 嬴咗果個都會有殘廢,

復癒漫漫長路.

無錯,假如北朝真系甘串串貢扔兩支飛彈過美國,佢地系必敗無疑。佢地依家既軍備只系同中國60年前既軍備差吾多,而且佢所謂既核戰,更加未有技術張核料放系彈頭入面。所以如果真系開戰,大家大可準備慶祝定南北韓終於統一,北韓人吾洗再受苦。

但系,有錢佬最驚人發窮惡。其實無財無勢正正系北韓最大既優勢,當戰爭一旦開始,佢地根本可以無所擔憂。如果佢發起窮惡系到怒炸首爾,首爾離北韓非常近,佢支飛彈再廢30秒都實飛到。到時首爾真系好大可能變成廢墟,當然之後北韓都會變成一個大草原啦。但系南韓佢既損失就會遠超於北韓既損失,因為北韓系爛命一條,但系南韓比佢炸一炸,要起番身真系吾系甘容易。好似東西德甘,都要用好耐時間先開始慢慢起番身。所以依家最大既擔憂反而系北韓系到發窮惡同大家攬住一齊死。

但如果系兩邊都冇人幫手既話,北韓定南韓會贏又真系好難講。雖然南韓既軍備比起北韓先進,但系北韓又系勝在乜都冇,但多地,地勢又比南韓為之險峻,所以如果北韓利用佢地既地利,打好多游擊戰,南韓就會無把握,好似當時國共一樣。而且,南韓發達同先進系佢既吾好處,原理一樣,北韓最後一擊發矛一炸,對南韓黎講真系慘過吾打。同埋如果北韓用地道打入南韓,並好快地控制到南韓機場,控制哂空中既出入,南韓就會輸。當然依件都吾系容易既事啦。

但事實上,美國系一定吾會吾出手幫拖,一幫拖,我唸都吾洗一個月,2日就可以張金正恩搞掂。但系始終都系果句,得不償失系大國吾太想開戰既原因。但系吾開戰又驚北韓系依幾年真系比佢整到D飛得遠既核彈,又系好大獲。所以依家開吾開戰,都系睇北韓造化啦,但我個人認為應該吾會開得成戰。

我聽人講，打仗是要冒險，而且沒有必勝的(既然没有必勝，也沒有必敗)。

根據「世界通史輕鬆讀4」(希代書版股份有限公司)(任浩之編寫)，美國入侵一個叫格林納達的國家前，美國有人顧慮，美國這個世界上最強大的國家向世界上最弱小的國家動武，一旦失敗，後果不堪設想。當然，美國最後成功入侵格林納達。

北韓整體實力的確很弱，但亳無疑問已比格林納達強，她又有導彈和核彈，而且中共或者會從不同形式幫她(未必派兵，但可能給予糧食、武器、物資、財政或政治(中國可以用安理會否決權反對美國以聯合國名義出兵)上的支援。

最後，根據聖經，打仗的關鍵是神-耶和華。祂要誰勝，誰就勝；誰敗，誰就敗。現在北韓雖然是共產國家，並逼迫基督徒，但美國的基督教正在衰弱當中。只有南韓的基督敎仍然興盛。而且大家不是神，無人能預先知道誰勝誰敗。

因此北韓不是必敗的。