其實現在日本算不算是美國的一個包袱?

個人覺得日本並非美國包袱而是棋，所以美國是不會放棄呢隻好使好用的亞洲卒，但會提防。

美國對日本只係利用並非友好，美日之所以結盟，是因為二戰後共產主義盛行，蘇聯﹑中國都成了共產國家，引起美國戒心，所以美國才不懲罰日本，更幫佢復甦。美國根本不會忘記日本當年如何偷襲珍珠港，對日本提防是必然。例如在軍事方面，美國不讓日本發展核武，即使日本幾十座核電站積存的濃縮鈾可以製造上千枚原子彈，美國都不俾日本搞核電廢料處理工廠，防止佢有核武裝。仲有，日本無得發展航空發動機，連F-2的發動機亦由美國入口，亦因為美國不俾。據知右翼領袖石原慎太郎對美國做法極不滿，但無可奈何。而不好忘記，依家美國仲在日本駐軍萬幾人，美國第七艦隊司令部更設在日本橫須賀，日本海上自衛隊歸其指揮（日本除左海上保安廳都要聽美國指揮），咁樣搞法，自衛隊實際上受到美國控制，就算右翼想搞事，因為無軍事自主權，亦無從入手。 睇番近年美日關係不難發現，美國一直是主導地位。06年因為美國和伊朗交惡，日本不想得罪美國，被迫放棄伊朗阿紮德幹油田，日本對石油需求極高，一直希望增加自主開發的海外油田比例，而阿紮德幹油田有豐富石油，伊朗亦同意讓日本開發，但日本竟因為美國和伊朗爭執而放棄伊朗的石油利益，可見佢仍然擺脫不到美國的支配。一直以來，美國外交都不受日本牽制。2008年，美國更加是無預先通知日本的情況下將北韓剔出支援恐怖主義國家黑名單，引起日本不滿，但日本除了言行上抗議並不敢有實際行動。反而，日本擔心美國「忽視日本」(Japan passing)。眼見911後美國拉攏中國，小布殊年代，美國期望與中國建立G2 體系，令日本擔心被忽視。奧巴馬當選後，第一任外交官中可以無一個是知日派，而亞洲事務的負責人Jeffrey Bader亦是親華，更加深日本恐懼。 日本依家咁高調同中國爭釣魚台，好大程度係持著美國撐腰，仗美國的重返亞洲，而日本一直不敢打中國，除左自己實力有限，更加因為未俾得美國首肯。根據和平憲法和美日安保條約，日本根本無獨立對外宣戰權力，佢要宣戰，必先得到美國同意。日本亦放棄交戰權，由美國負責保護。可見美國無論是從軍事定條文上，都實際控制日本。其實，美國的外交政策極有手段，即使和日本結盟抽哂水，在條約保證中亦俾自己好大自主權。有人或者會覺得，安保條約限制了美國對日本義務，日本一出兵，美國就一定要幫手。但其實即使不提日本一定要美國首肯先可以出兵，就係安保條約第五條本身，已經夠美國有藉口喜歡出兵就不出，不出就不出。 第五條ARTICLE V內容 EachParty recognizes that an armed attack against either Party in the territoriesunder the administration of Japan would be dangerous to itsown peace and safety and declares that it would act to meet thecommon danger in accordance with its constitutional provisions and processes.Any such armed attack and all measurestaken as a result thereof shall be immediatelyreported to the Security Council of the United Nations inaccordance with the provisions of Article 51 of the Charter. Such measuresshall be terminated when the Security Council has taken the measures necessaryto restore and maintain international peace and security.」。（Quote WikiSourcehttp://en.wikisource.org/wiki/Treaty_of_Mutual_Coo... 究竟咩係自身和平安全受到威脅，條約無講，美國可以自由定義。仲有即使美國希望採取措施，都要先報告安理會，美國藉此拖延時間，日本亦無可奈何。 日本咁好使好用，依賴美國，反而美國不受其牽制，試問美國咁醒又點會放棄呢個盟友？

2013-01-31 01:38:36 補充：

估不到Chi Wang君亦認同日本只係美國的棋，英雄所見略同。日本看似風光，甚麼世界第三經濟體，軍事強國，亞洲大佬，實際上，和平憲法由美國起草，軍事要靠美國支撐，甚至泱泱「大」國要俾人駐軍，自衛隊受人控制，真係表面風光，內裏悽涼～

2013-01-31 01:45:52 補充：

樓主話過往日本也做出不少使美國膽戰心驚的事，其實美國又何況無。單係佢近日賣F-35不賣F型15000米空對空飛彈，已經潑左日本冷水。仲要之前，日本想買F22A,對抗日中俄新型戰機，但美國以保護軍事機密拒絕。加埋美國突然移除北韓的支援恐怖主義黑名單，漠視日本當時有國民被北韓綁架，想用剔除支援恐怖主義黑名單去換取北韓妥協，一樣令日本膽戰心驚，驚俾美國遺離。

2013-02-02 21:52:57 補充：

樓主，美國有同南韓結盟，亦是美國亞洲重要盟友。所以日韓獨島爭議，日本行為檢點得多。

韓國官方雖然和中國無領土糾紛，但韓國民間認為墾島應該屬於韓國。（http://zh.wikipedia.org/zh-hk/%E9%97%B4%E5%B2%9B%E...

有關美韓關係，可見此：http://hk.knowledge.yahoo.com/question/article?qid...

不想分開斬開幾parts，所以改以文章發表。

2013-02-02 22:07:24 補充：

日本未來會否對美國反咬一口?在可見將來係無可能，別說日本，正在崛起的中國在未來10-20年都無可能超越美國。因為美國實在太恐怖。幾年前讀中美關係，有個數據令我特別印象深刻，那就係美國的GNP竟然係80% of 日本+德國+中國+俄國+英國總和(好似仲有其他國家，唔太記得)，而軍事開支就係中國+俄國+日本＋德國的兩倍.....不過呢個數據係2000年，十幾年之後情況應該有改善，但美國綜合國力冠絕全球係無容置疑，在未來10-20年應該無任何國家可以超越佢，更何況係，軍事受佢控制，外交與鄰國不和，經濟又低迷不振的日本？

2013-02-04 00:01:09 補充：

我好同意Steven兄所講日本有反咬美國之心。睇左Steven兄的回應，令我想起永田洋子。七十年代日本民間反美情緒高昂，不少日本學生搞反美日安保運動，擁護共產主義。永田洋子等人仲一齊領導聯合赤軍和親美政府對抗，更加俾美國列為恐怖組織。日本和韓國一樣，有強烈民族主義，無可能願意接受美國支配，有不忿不滿係十分正常。

不過我覺得日本無同美國反面的本錢，只係有心無力。

美國在亞洲並不只日本一個盟友，仲有南韓﹑澳洲﹑台灣﹑菲律賓。而日本在亞洲甚至在國際上，除左美國都無咩盟友，東盟國家因為二戰後的問題一直防範日本，南韓和日本﹑俄國有領土爭議不用講，北韓和佢亦是世仇，日本如果得罪左美國，就只剩下孤家寡人。

2013-02-04 00:01:19 補充：

再加上安倍雖是左派，但非盲目，佢的外交亦受到實用主義影響。從佢第一任首相出訪第一個國家係中國不是美國，而且承諾在任其間不參拜靖國神社可見，佢深諳外交妥協的重要。在依家的情況下，日本得番美國一個勉強盟友，事事要仗賴美國，相信只要日本政府稍有腦，都不敢玩野。

不過如果他日日本有能力和美國逐鹿(或者係以為自己有呢個能力)，相信日本一定會不客氣對付美國。二戰偷襲珍珠港就係一個好好的例子。日本一直否認自己二戰的行為，一直以為自己當係只係想解放亞洲，日本一日不正視歷史，不反省自己的無知，他想做世界第一，統領世界的妄想永遠都會存在。

睇完風兄既回應，先知道原來美國對日本做左咁多打壓工作，實在非常慶幸美國人頭腦仲算清醒，知道必須控制日本唔比佢搞事。

回施丹兄既問題，小弟認為美國未至於會放棄日本，因為如果美國要重返亞洲，必須有一個盟友提供基地及其他必須既物資及人力支援，日本對美國來講仍然十分重要。不過好明顯美國只當日本係亞洲戰略既一隻棋子，絕對唔會為佢撩慶大中國及俄羅斯。

今日既新聞已經証實在呢樣野。安倍呢個右翼傻佬天真到以為美國會完全同佢同一陣線，點知奧巴馬當眾噴到佢一面屁，再加上美國已決定唔賣先進格鬥彈俾日本呢單野，已証明日本想全面同中國對抗既策略徹底失敗，現屆政府未來都唔會有大作為。

2013-02-03 12:52:14 補充：

回應下施丹兄及風兄關於日本會否反咬美國一口既論點。無錯美國依家仍然係實力超過全球九條街既超級大國，不過日本反擊美國既想法其實一啲都唔新鮮。1980至90年代呢個想法係美國頗為流行，有唔少小說及電影都以呢個題材為主，因為當年日本經濟實力超強，有短期內超過美國既可能。

2013-02-03 12:57:49 補充：

有趣既係美國一早已經留意到呢個趨勢，所以有廣場協議及之後既經濟戰。日本既實力已經無當年咁勁，但日本依家仍然有幾萬億美元債券，即使日本係整體國力上同美國完全無得比，但日本用金融手段“銑”美國一鑊都唔係無可能。另外，日本係不同既科技領域上仍然有些微優勢，同樣日本係呢方面搞事都有機會令美國投鼠忌器。

(81) =======>202

Both Are Nonsense

(81)========>212

Both Are Naive

(81)========>312

Both Are Ending

(81)=======>2035

Entire Nowaday In American G2014 Of UNA Open G20

Entire Nowaday In Asia Ocean G2013 Of USA Obama

Entire Nowaday In Antinacionale Guiding Ensure No.81

其實現在日本算不算是美國的一個包袱?是愛滋, 等時間遲早完.

美國當然有想過會放棄日本；但看來短時間內不會囉。

雖知道，日本是圍堵中國最重要之棋子；現時之右翼勢力，基本上是美國所需要(起碼確保不會倒向中國)。只要右翼勢力不出太大亂子，原則上美國都只希望維持平衡情況。