[城中熱話2012] 道德與道理的關係

當然唔正確啦！

道德同道理未必對立，但亦唔係等同！

情況就好似法律ｖｓ道德，有相輔相成之處，亦有衝突之處！

ｂｔｗ，根據樓主ｌｏｇｉｃ，你意見應該係︰

「道理是建基於道德上」，而唔係「道德是建基於道理上」

你覺得道德同道理係有主次之分，母子關係

道理，有個道字，所以通常合乎正道，咪關係道德事囉！

但道理，亦都有個理字喎，有時理同情係矛盾，而情好多時又關道德事！

最顯淺既例子，講大話，固之然就唔合乎道德啦！

但係白色謊言呢？又或者需要講大話以興全大局既時候呢？

有時，道理上，講大話又講得通架喎！

既然而家講道德，好明顯就係個道德哲學問題啦！

樓主有冇聽過功利主義？如果要為大多數人利益為依歸，可能會犧牲左某ｄ人或者某ｄ價值，道德上有問題，道理上又無可厚非喎！

最經典既電車問題，你揸住電車，路軌上有５條ｏ靚仔係度玩，隔籬條路軌有一條ｏ靚仔係度玩，咁你會點做呢？

直接駛埋去，其實就冇錯既，但係車死５條ｏ靚仔，人地會鬧你

轉過隔籬軌呢？死一個救全家！但係你咁樣係改變左航道，等如專登謀殺隔籬軌條ｏ靚仔喎！因為佢係ｓｕｐｐｏｓｅｄ　ｔｏ　ｂｅ無辜架嘛！

呢條問題，係冇絕對答案，完全睇你點睇。

我就覺得，你依足規距，唔出軌既話，為既係道德

你計過條數，想一個救全家而犧牲無辜，為既就係道理

係幾難定義既，認真ｄ諗，其實兩邊都有道德，都有道理，但側種個位唔同

有時，偏感性既就係道德派，偏理性就係道理派啦

類似既情況，其實大把。

好多律師就係有道理而冇道德，有理走遍天下，無理寸步難行，你打得贏官司，點都有道理，唔會全為狡辯

撐同性戀、整容既，可能係因為道理；反同性戀既，可能係因為道德

婚前性行為又係啦，ｄ道德份子，老老實實冇乜ｐｏｉｎｔｓ，來來去去都係三幅皮

但如果你係道德份子，你唔使要人畀ｐｏｉｎｔｓ，一句「我覺得唔岩」已經可以收晒人皮啦！

當然，以上只係強行分，以上例子都唔係絕對！

大多時候，道理道德掛勾！

但如果你得番一樣，淨係得道理，而完全冇任何道德ｓｕｐｐｏｒｔ既，始終爭咁ｄ野既，可能個人比較現實（不過現實又真係咁殘酷，令好多人慢慢放棄道德！）

如果你淨係得道德，而完全唔講道理，你既道德立場又過份保守，就會變道德塔利班，講野好似明光社咁冇譜，呢ｄ道德能真係好煩

如果兩樣都有，就最好啦，但係唔係人人有，你想有，都未必有，好難控制既！亦好難話邊個岩！

其實如果硬要玩捉字虱既話，可以死都話道理個道字，就代表道理一定要有道德。

但係而家唔係玩文字考古，唔使玩埋晒ｄ文字遊戲

總之我睇得出樓主問題中個句「講野冇道德唔代表冇道理」中，道德同道理既分野，就大概係好似我以上所講咁啦。

至於咁樣好唔好，就要就個別事件黎評論啦！

但當然，兩者有其一，好過兩樣都冇！

2012-11-15 19:55:21 補充：

樓主帶出個ｐｏｉｎｔ，何謂道德呢？

道德真係冇乜標準可異，好似科技咁日新月異

我唔係話道理就會永恆不變，但相對而言，我覺得道德傾向主觀，道理偏向客觀

2012-11-16 13:19:04 補充：

拿，講道德，最鐘意就係講儒家架啦

「父為子隱，子為父隱」大家細個讀中化都聽過啦，

咁做都唔講理，淨係講道德，講孝悌丫嘛

但如果大義滅親，就係幫理不幫親，要道理唔要道德

雖然某程度上，你可以話，重孝咪就係我既道理囉

亦都可以話重公義咪係我既道德囉

嚴格黎講，以上兩者都有佢既道理同道德，但點解大家既決定會完全相反？

我就會覺得係一邊傾向道德多Ｄ，一邊傾向道理多Ｄ

老子莊子都話要絕仁棄義啦，佢地睇野唔鐘意有道德枷鎖綁住，但又唔係話佢地冇品喎，佢地掩住道德唔睇啫，追求客觀真相啫

而對新移民，你「包容」佢地係人情，趕佢地走係道理

2012-11-16 13:22:45 補充：

所以我覺得，道德同道理係好朋友，通常都拍住上

但係有時候情理有衝突時，就會嗌交啦！因為有時道德限制多，道理又不近人情

遇著呢種道德ＶＳ道理既問題，通常都係Ｄ好ＴＯＵＧＨ既問題！

但一般情況黎講，你淨係講道德，即使個人冇乜腦冇乜道理，但跟道德衰極有個譜

你淨係講道理，有道理既野亦都有可取既地方

道德能通常有原則Ｄ死板Ｄ，道理能就鍾意兩害相權取其輕比較識計數！

最好兩邊都聽晒啦，再決定囉！

如果又冇道德，又冇道理，講乜都為反而反，為拗而拗，咁就叫佢收皮啦

2012-11-17 14:07:35 補充：

真係要分的話，總括而言，本人認為︰

道德是情，道理是理

道德是仁，道理是智

道德是心，道理是腦

道德是熱，道理是冷

道德為理想，道理為現實

道德為主觀，道理為客觀

但通常佢地都互相包涵，有道理既野通常都有道德，有道德既野往往有道理

只係某Ｄ爭議性問題面前，先會有分歧！

道德與道理的關係道德需要身體力行~做, 道理只是劈咀得個~講, 兩者關係淺見是講就天下無敵, 做就無心無力.

道理同道德係兩回事

有時道德都唔代表有道理 eg同性戀係道德上唔可以有平權

有道理但亦可以冇道德 eg自慰解決性需要係有道理 但冇道德

可以簡單概為感性同理性之別

明冇?

2012-11-15 19:33:13 補充：

道德觀念並唔代表一定正確 睇下中國道德觀就知

古時中國人講既道德 到今時今日已經被多番質疑

例如古時對女性道德觀係「女子無才便是德」

講求男女有別 男人三妻四妻冇人鬧 合情合理

黃花閨女同男人當眾傾計拉扯玩=冇道德 賤婦

你話「道德是建基於道理上」咁父權社會強加既所謂正確道德 又有冇道理?

「同性戀係道德上唔可以有平權」，你有乜理據？

你睇下而家社會兩邊爭論 反平權個邊成日都係拎「違反道德」呢個point架

明光社就反得最犀利 佢地係網頁入面中反同性戀理據正是如此

http://www.truth-light.org.hk/category/%E9%97%9C%E...

''３　我們尊重個人的自由，但個人亦必須尊重社會大眾的倫理價值觀念，對一些影響社會倫理道德深遠及具爭議性的行為（如同性戀）''

「自慰解決性需要係有道理 但冇道德」，你又憑乜咁肯定？

自慰唔會影響到人亦可解決性需要 不致犯案

from維基:

現代醫學則認為適度渲洩性壓力反而有助身體新陳代謝...有些人因為受到中國傳統思想的教育，對自慰有罪惡感。還有人認為這是一種不良習慣。其實完全沒有必要。自慰是一種正常的現象。有些哺乳類動物也有自慰的行為。只要注意衛生及不要過度就對健康無害。但是，過量的自慰可能會造成疲倦，所以自慰最好不要太過頻繁。

至於道德 我諗唔洗我解釋卦

2012-11-15 19:34:45 補充：

岩岩google埋篇文比你

我们是要道德，还是要道理？

http://blog.sina.com.cn/s/blog_67861fb30100lpvk.ht...

2012-11-16 16:10:22 補充：

又要理據又話無關 我冇心機再同你玩啦

002繼續幫佢拎城中熱話冠軍啦

2012-11-17 09:33:12 補充：

亂扣帽子 仲惡過共產黨 睇你都唔荒有道德去邊

唔明！

「同性戀係道德上唔可以有平權」，你有乜理據？

「自慰解決性需要係有道理 但冇道德」，你又憑乜咁肯定？

請詳述。