罪犯自新條例 使唔使申請還是自動會生效？

根據《罪犯自新條例》第297章，任何人因刑事罪行而被判監不超過3個月或罰款不多於$10,000，之前並無其他刑事紀錄，而在被定罪後3年內亦無觸犯其他刑事罪行，則一般情況下可以不對外披露有關刑事紀錄。此條例同時適用於感化令及社會服務令等非監禁式刑罰。所以，去見工果陣僱主問您有無案底，的確係可以答無咖。

所以只要你係呢三年內無再犯事，呢個條例三年後會自動生效! 唔洗申請架

不過，咁並唔代表真係洗左底，警方同法庭將會永久保存您既刑事紀錄，不會銷毁。投考紀律部隊當然機會極微，部份牽涉要宣誓/申報定罪紀錄既工種亦會受到影響咖(例如性罪行定罪紀錄嚴重影響申請兒童或精神服康相關職位)。

補充一句，以上內容只供參考，不能視為正式法律意見，如有需要請尋求專業法律服務啦! ^^