請高手們幫助分析未來前途方向。

Question

本人自中五後就到IVE修讀一個化學高級文憑，現時己得化學高級文憑學歷以及約三年的福利機構工作經驗。不過在下仍然有意進修，現時只在福利機構工作，一面儲錢作讀書用一面另行出路。

現時至少有兩條：
1.)先去讀HKU SPACE的圖書館及資訊管理HD，之後去些圖書館或者資訊中心做些一般職/助理職(總之未去到助理館長)，再半工讀讀完Degree。

2.)成為保建員，這就因為人口老化，可見未來工作機會可以很多，都是想讀完工作一段時間後再讀護士course或Degree，最終成為註冊護士。

這本想著由下年開始，其實我是怕只得化學高級文憑，並無以上兩行業的專業，若現時只求其讀degree反而得不償失。 所以想問以上進修路線如何?或有無其他可行出路?

另請不好給在下任何工商管理及化學方面，我自知不是這材料。

Anynorm · Accepted Answer

接續之前係另一條問題既討論。施丹兄有心做圖書館或護理工作係非常值得尊敬及鼓勵，但請留意，兩種職業南轅北轍，投身之後可以話就係一世，而且兩個行業亦與施丹兄現時做既職業無關，簡單講，就係嘥左你幾年既經驗。不過，係社福界做過，點都有啲服務人既經驗，對投身護理界絕對有幫助。

老實講，以小弟所知，無論圖書館定係護理界都需要有少少理想支撐，因為兩者工作時間都可以幾唔穩定，亦可以好長，而且護理行業亦眾所週知有厭惡性。容許我客觀地講，我個人認為投身護理界既理想支持需要更大，因為你真係要從心出發要對病人及老人有愛心及耐心先至可以做得好及做得長。其實施丹兄可以參考下《桃姐》電影中老人院既情況，如果你真係唔介意投入其中，咁我衷心恭喜你。

至於做圖書館，以我所知通常都需要入職者有圖書館管理或如你所講既資訊管理學位，長遠要讀埋圖書館管理碩士先至可以有職升。想講既係圖書館管理課程係坊間並唔難搵，記憶中公大都有，施丹兄絕對可以半工讀，以你有HD程度，順利既兩、三年應該可以攞到個degree。至於講到圖書館助理，以施丹兄既學歷，依家申請都無問題，到時讀書更可名正言順，不過如果你依家份工還可以，最好就唔好轉。

另外，無論圖書館管理或護理學系，對你之前既學歷要求都只係HD，範疇是否有關唔係真係咁重要，當然護理系既競爭較大，有相關學歷會好啲。特別一提，施丹兄既然已經係社福界做左三年，有無唸過去讀番個社工degree。要注意既係想係社福界有發展，有必要成為註冊社工，而成為註冊社工只有一個途徑，就係讀社工註冊局認可既課程，順利畢業後即可自動註冊。以下係社工註冊局認可課程名單﹕

http://www.swrb.org.hk/chiasp/hk.asp

最後祝施丹兄以後事業一帆風順！

2012-09-10 21:58:10 補充：
聽番施丹兄既敍述，好慶幸原來你既上司已經比左好多非常好既建議你。其實我個人都認為你既上司啲提議都好合理，不過由於無論施丹你自己既意願或其他建議都比較分散，我認為施丹兄要唸清楚要投身邊行。想講既係高級文憑己經係大專程度，入讀degree應該唔係問題。如果你真係想讀資訊科技，想以此為職業，我認可以去讀，至少應該去有關院校問下詳情。

? · Answer

給steventtw20及cat姐的感謝文：

本人已得了註冊保健員資格，在一間嚴重弱者人士院舍進行協助活動策劃之工作，雖不至社工甚至舍監，但之少在工作上得到滿足，表現上亦不俗，亦不怕有厭惡性質之工作。本人亦有意計劃日後會以導師職或特殊學校內的教學助理為短中期目標，最終以得到註冊社工為目標。

? · Answer

在下最近在看一本書 "What Color is your Parachute? 2013" by Richard Bolles. 這不止是一本求職/轉職指南, 更是一本關於生涯規劃的書. 裡面教人搵工的approach跟你有點不一樣:

作者說, 先問問自己的長處在哪裡; 最開心的時刻和最自在的環境; 最大的滿足感來自哪裡... 再找哪一種工作最能善用你絕大多數的長處, 最能令你開心滿足, 當然亦有足夠的收入.

最後, 才是考慮空缺多不多, 競爭大不大, 前境好不好的問題.

因為, 在每一個現存的行業, 一定有更替, 就算如殺校嚴重的教育界, 每年都會有人退休, 轉行, 移民, etc. 總有空缺. 只不過你以為競爭大, 輪不到你而已. 又或者, 空缺根本沒有刊登, 而是內部介紹的方式填補了, 外人全不知情.

然而, 你所需要的不是100個空缺, 只要一個, 只要選你就成了. 所以, 重點就是如何成為 "那一個被選中的人".

首先, 將你目標行業的基本要求搞清楚, 如果有Dip就得, 就去讀多個 Dip囉. 同時留意所有刊登及沒有刊登的機會: 在行業中識得人是捷徑, 如果未識, 可以去做義工/臨時工, 務求令主管級的人對你有印象, 也讓他們知道你對這行業的誠意. 當然, 還有很多後生仔不相信自薦信, 其實都有用的, 不一定等空缺出現才行動呀!

===
好, 回到你的大計.

為何考慮圖書館/資訊管理的工作? 會不會是你個人對靜物比對人的工作擅長? 更感到自在呢? 正如你當年選擇唸化學一樣.

這3年來在福利機構修行, 有沒有激發你對人的工作的潛能? 開心嗎? 有滿足感嗎?

如果有, 你沒有必要到圖書館工作. 要知圖書館等工作環境是非常靜態, 有點沈悶, 性格不合者足以"致命"...我的意思是捱不下去要轉工 ^.^ 在花上幾年時間讀圖書館學之前, 不妨去做一陣臨時工, 包培訓高於最低工資, 當學下野. http://portal.adecco.com.hk/jobsearch/JobDetail.aspx?jobID=676949
做一個星期若ok的話, 再去報讀圖書管hd不遲.

另外, 若你認為服務人對你來說很有滿足感的話, 建議你可以試做保健員. 保
健員無錯要任勞任怨, 間中要照顧老小, 大小二便, 又可能要值夜班, 所以難受後生仔歡迎, 亦所以會有較高收入. 不過, 如果你受得了就沒問題了, 更應看成是你的長處呢! 你的上司這樣的建議不無道理, 身為第三者, 他可能看得比你透徹呢! 看來你的上司更可以為你推薦空缺, 不可少看了!

===
總結來說, 二選其一的話, 看來保健員是個理想的起點. 只不過在下不建議你就這麼決定. 如果經濟上許可, 最好是試試不同的行業例如圖書館. 還有, 可行的路應該不止兩條, 不要太早限制了選擇.

2012-09-11 23:36:30 補充：
那公司是長期承包了公立圖書館的外判工作, 你可以先打個電話去問問, 如無意外, 9月剛走了一批暑期工, 正好是缺人的時候. 只需會考合格, 你一定得, 打字更無問題啦. 呢d工收入真係唔係好得, 要一邊做, 一邊留意有冇出政府職位. 一有登出來, 你已有經驗又有上司推薦就著數d.

老實講好多後生仔做唔長係因為工作刻板, 環境又靜唔可以用電話/whatsapp. 在下呢就喜歡與書為伍, 當時個樣醒少少, 就被派去參考圖書館做, 平時留意到好書, 都會休息時間攞黎睇, 其實幾開心架..(除左收入唔夠養家,仲有星期六日例必當值令在下無法照顧家人之外...) 嗯, 你仲想進修的話, 當然另作別論了.

2012-09-11 23:57:01 補充：
若比較前景, 本地圖書館的數目不會怎樣增加, 老前輩不走, 進升機會就會少些. 不過記著以上提及 bolles的理論, 就算少, 只需要一個空缺就夠了. 據在下觀察, 男生在行業中好像有點優勢, 可能是低層職位男少女多, 但主管級性別卻較平均 (還是男生不會在低層捱得久, 沒等到升的一早走了)

反觀保健員的前景不錯, 主要因為人口老化, 老人服務一定在增長中. 但注意老人服務不一定帶來滿足感, 因為老人和嬰兒剛好相反, 基本上在衰退中, 不一定因你照顧得妥而有改善, 往往要看著他們愈來愈健忘, 愈來愈不能照顧自己, 愈來愈走不動... 還可能要陪他們走人生最後一段路. 容易悲觀的人不太適合.

2012-09-12 09:41:05 補充：
不過你的終點不是保健員, 只當是踏腳石, 做幾年儲錢儲經驗, 就可以向其他醫療職位進發, 那前景是肯定的. 因為公立醫院這些方面的資源一向滯後, 病人排期時間長, 現在多了人買醫保, 令更多人願意光顧私營的診所, 確會愈開愈多. 你拿了有關的學歷, 就業是不難的.

請高手們幫助分析未來前途方向。

3 個解答