想去澳門, 2天遊, 有D 問題想問

Q1: 出入境都是照舊, HK ID卡就得, 唔洗帶回鄉卡

Q2: 係接受港幣比錢, 如果係坐車, 都係當1:1, 冇咩面值的唔收

Q3: 去澳門的船, 除左去信德中心外, 尖沙咀-中港碼頭都有

Q6: 酒店方面可以考慮以下近市中心既酒店:

1. 京都酒店

地址: 澳門南灣大馬路 493-501 號

2. 新麗華酒店

地址: 澳門約翰四世大馬路

3. 新中央酒店

地址: 澳門新馬路264-270號

第一及第二間我都住過, 環境ok, 而且近市中心及平, 住一晚雙人房都幾百元. 第三間未住過, 但2xx-300元就得, 而且你正新馬路 , 非常方便.

Q4:

行程1:

早上抵達澳門後, 你可以在碼頭搭新福利3號, 3號A巴士或澳巴10號線去議事亭前地, 然後步行前往大三巴牌坊. 再行上少少就會見到澳門大炮台+澳門博物館(博物館逢星期一休館). 之後可以在大三巴再步行5分鐘去戀愛巷+聖安多尼教堂及白鴿巢公園. (當你落完大三巴前面的樓梯, 面向大三巴牌坊時, 你的左手面有一條路仔, 沿路仔行5分鐘便到戀愛巷及聖安多尼教堂及白鴿巢公園, 果條路仔有好多古董賣的), 跟住可以去埋附近的澳門消防博物館, 地址: 澳門連勝馬路2-6號.

中午可以在議事亭前地中央郵局附近的黃枝記食LUNCH, 主要係食中式粥類及粉麵. 下午可以到福隆新街睇下一些特色的街道(福隆新街在議事亭中央郵局對面的澳門民政總署旁邊的橫街入去, 整條街的門窗都係油上紅色的油漆), 然後在新馬路搭澳巴10號線, 在總站落車便到達媽閣廟及海事博物館. 之後可以去附近的主教山小堂.

傍晚可以落一落去位於新口岸的觀音像及宋玉生公園參觀. 晚上可以去漁人碼頭玩. 如果你有興趣睇賽狗的話, 晚餐後可以在新馬路搭巴士去拱北, 在紅街市附近下車然後行一段路去逸園賽狗場, 入賽狗場只須10元的入場費, 憑入場券可投注一次. 賽狗場門口有好多大排檔的, 之後順道去埋賽狗場附近的三盞燈睇特色街燈.

行程2:

早上可以去盧廉若公園及二龍喉公園舒展一下筋骨. 二龍喉公園係有纜車上松山燈塔的. 燈塔旁邊有一間聖母雪地殿聖堂, 始建於1626年. 之後可以搭車前往氹仔, 你可以在氹仔的益隆炮竹廠下車, 到龍環葡韻睇萄國的特色住宅(此處是澳門八景之一), 整座building富有萄國的色彩以及用粉綠&白色為主色. 如果想入埋屋睇的話, 最好是在星期日及5時前去到. 因為在出面睇座building係唔駛$$, 入屋參觀要比入場費, 而星期日入屋參觀是免費的.

中午由官也街行大約10分鐘便可以去到富有中國色彩的花城公園遊覽+食Lunch, Lunch後去四面佛. 下午茶可以去大利來記食馳名的豬扒包及絲襪奶茶, 不過最好要在3:00pm前霸定位, 因為大利來記每日3:00pm會有新鮮的豬扒包出爐, 到時會有好多人去食, 遲D去的話就會賣完無得食架啦! 之後去返官也街買手信, 你亦都可! 以去官也街9號A的莫義記品嚐特色的三色大菜榚, 如果沒有記錯的話, 應該6-7元就有交易(營業時間至晚上七時半).

晚上可以去附近的熊貓餐廳食地道的萄國菜及去威尼斯人渡假村. 請緊記要預鬆D時間由氹仔出返碼頭, 因為預左會有少少塞車.

行程3:

早上可以去路環的黑沙灣OR竹灣等海灘踏下水, 之後可以去路環西部的石排灣郊野公園行下山及去郊野公園內的土地暨自然博物館. 中午出返去路環市區的聖方濟各教堂, 教堂前有一個具葡萄牙傳統風格的廣場, 廣場兩旁設有餐廳和咖啡廳可以食Lunch. 另外, 還有一座紀念碑, 紀念路環市民在1910年戰勝海盜的事跡. P.S.: 當你去到澳門後, 記得在碼頭的遊客服務中心攞番份免費澳門地圖及巴士路線表, 到時就唔會唔識路及唔駛怕唔知知點搭車. · 另外, 到了澳門落左船離開碼頭一直行, 會有好多酒店及賭場既免費專車提供接送服務, 如果有車會去到你既目的地就去搭喇! 我成日都去搭賭場免費專車, 就算唔賭都無問題的. 酒店專車可能要你出示住戶證明, 上車時最好問清楚. 澳門碼頭及金沙賭場均有免費車前往威尼斯人.

一定要 3粒星既 HKID / 可行 e 道差不多 1對1. 依家冇人會去換葡幣 ka lak. 基本四圍都收. 但有時冇港紙找. 記得走前用晒 D 葡紙. 因返香港冇得換番 ka la. 另外, 巴士唔收港紙硬幣的信德之外, 有九龍船. 係中港城搭. 新渡輪黎既水舞間超好睇. 記得預先訂飛成日爆去做水療? 金都水療好出名. 正經的多數唔包

格蘭酒店

http://www.besthotelonline.com.hk/hotels/macau_bes...

可以試下去besthotel訂 衣家有活動

http://www.facebook.com/besthotelonline.hk?sk=wall

1. 出入境都是照舊, 帶HK ID卡就得!

2. 貨幣如何? 都係接受港幣比錢?

全部都係當1:1 ！

冇咩面值的唔收！.

3. 唔係所有去澳門的船信德到上船！仲有尖沙嘴中港碼頭。 有冇邊條線的船係定D? 冇

4. 如果2日1夜, 有冇咩景點介紹?

我只知有大三巴, 漁人碼頭, 食葡TIE,議事前大街凱… 等.

水舞間好睇? ....................好ok呀！

5. 如果一個人去, 又會有咩節目介紹? http://www.hkcities.com/forum/forumdisplay.php?fid... 很多information 可以參考！

6. 想問如果一般平的酒店, 有冇介紹? 都係唔包房間免費WIFI上網?

要有房間免費WIFI上網的酒店，都系要這幾年落成的才有。超過5年以上的基本上都無！其中推薦：

澳門十六浦索菲特大酒店，有WIFI 中最便宜的啦！