又有魚死啦! (10分)

1. 請問他們可否一起養在同一個魚缸及融洽相處?因我剛學養魚一個月左右, 而賣魚的老闆極力建議我買來一起養, 還說大家相處融洽, 但現在的情況看來開始懷疑老闆騙我.

其實呢個問題我都同好多位養魚人士講過,

千奇唔好胡亂混養,

因為係未了解魚既性格、食性前就混養,

帶黎既係殘殺,唔會有好結果~

你果度養既魚太雜亂,

最好先分返一類一類養,

而最惡既或者係紅劍,

紅劍性格惡,成日追魚啄!!

所謂可以養埋一齊,

佢其實想你多買佢d魚就真,

因為出面好多老闆其實只係為生意而開檔,

並非自己好識養魚,你可以見到出面d鋪,

佢地入面一缸缸魚都係一種一種魚分開養,明顯無打架情況,

仲養得好靚,快速繁殖~~~

2. 請問我應該抽起那條魚? 因我唔想再有血案發生.

我諗先抽起紅劍,

至於黑摩利,其實都帶少少攻擊性,

所以全缸最好剩養滿魚同金青苔~

3. 請問有那些魚可與滿魚及黑摩利一起和平生活?

其實混養係要睇清楚魚類性格同食性先再混養,

否則一定打大架~~

要留意 :

- 體型

- 性格

- 糧食

- 水質

- 環境

你既滿魚同摩利,

可以同螢光斑馬、孔雀、米奇,

你養果種所謂藍斑馬,

我相信係藍色既非洲皇子品種,

現時市場將魚名混雜左,所以品種有機會混亂左~~~

4. 原來三間老鼠和青苔魚同是清道夫之一, 請問應選擇那種好? 那種同滿魚, 黑摩利可和平共處?

工作魚有好多 :

- 黑線飛狐

- 小精靈

- 金青苔

- 鼠魚

- 小胡子

工作魚可以同任何魚混養,

因為佢地係底層魚類,無攻擊性,

所以唔會有問題,反而係擔心混養既魚會否攻擊佢地~

我之前又係買魚果陣個老板話果條係金豹點知先發現佢係非洲王子= =

1. 請問他們可否一起養在同一個魚缸及融洽相處?因我剛學養魚

一個月左右, 而賣魚的老闆極力建議我買來一起養, 還說大家相

處融洽, 但現在的情況看來開始懷疑老闆騙我.

回答:首先,藍斑馬係唔多適合同摩利,滿魚等混養,而三間鼠係D脾

氣暴躁既魚,而佢地又可以長到20cm長,根本就唔應該同黑尾滿

魚, 黃金滿魚, 黑摩利, 紅劍混養,我覺得係條三間鼠整死你條滿魚

所以你應該張條三間鼠隔離

2. 請問我應該抽起那條魚? 因我唔想再有血案發生.

上面都講咗張條三間鼠,藍斑馬隔離，其他魚都可以繼續混養。

3. 請問有那些魚可與滿魚及黑摩利一起和平生活?

基本上你而家果D魚都可以和平共處

但係仲有好多都可以混養:

1)小型鮨鯉

2)小型棒鱸

3)老鼠魚

.

.

.

4. 原來三間老鼠和青苔魚同是清道夫之一, 請問應選擇那種好?

那種同滿魚, 黑摩利可和平共處?

當然是青苔魚啦。

路過，唔想見到生靈塗炭，多口講幾句：

1. 成20條魚，魚缸大就問題不大，魚缸細就......祝你好運啦......唔係呎幾兩呎就叫做大......

2. 就算魚缸夠大，都要有適當既水草及遮蔽物給予弱小既魚種作躲避之用；

3. 初學者，往往容易忽略生境穩定既重要性，生境未達理想，往往事倍功半......一味只顧養滿成缸魚、好睇又熱鬧，只會越加越死得快......比著你同十幾個人住埋係成層籠屋裏面，你會覺得點？

4. 有心學養魚，不妨係買魚之前多看幾本書比較一下(不用買，借或者到書店看也可以，再者，中港台三地書籍質素參差，小心比較......)

2009-07-16 22:22:42 補充：

5. 無一個賣魚老闆會為你缸魚既「內訌」負責，雖然一啲常見既魚種佢地會知，但係講真，佢地有幾多個會試過晒各種混合既情況仲要係長期觀察嗰隻，人家散貨架渣......你問佢地，佢實叫你買多啲架，唔係邊有生意......所以，你更加要自己搵下書搵下資料比較下！

6. 紅劍既地盤意識好強，小心......如果魚缸細，摩擦機會更加高......

7. 三間鼠屬雜食，青苔鼠係素食者比較好藻，兩者基本上相安無事，係處理藻類問題上，青苔鼠係首選；

8. 撞板無礙既，個個都係咁累積經驗架啦......祝你好運。