Yahoo 知識+ 將於 2021 年 5 月 4 日 (美國東岸時間) 停止服務，而 Yahoo 知識+ 網站現已轉為僅限瀏覽模式。其他 Yahoo 資產或服務，或你的 Yahoo 帳戶將不會有任何變更。你可以在此服務中心網頁進一步了解 Yahoo 知識+ 停止服務的事宜，以及了解如何下載你的資料。
350D (CANON) VS K100D或 SUPER (PENTAX) VS NIKON D40或 X
我是一名新手, 想試玩DSLR (舊款因平價), 但請問以上那一部机較好用及QUALITY 較好，
KIT SET 跟 18-55MM (大約HKD 700), 如果想要高一級的鏡頭, 有何選擇？是否這三款KIT SET 的鏡頭都是一樣？
那部配鏡頭較平及多款？
1 個解答
- 島耕作Lv 71 十年前最愛解答
如果單計呢幾部機既機身規格來講,我覺得Pentax K100D/K100D Super比較抵買.
淨係機身防震都可以慳翻好多買鏡頭錢.其他方面也不差.
雖然佢像素係最小,但其實6百萬像素都好夠,太多只會加重記憶卡負擔同降低畫質.
機身有11個對焦點,冇記錯應該唔止得中央一點十字添,這對淺景深構圖時或者動態拍攝唔容許對完焦再構圖是很有用的.
同埋可以用AA電,都算一個優點呱.
不過缺點也是有的,連拍方面雖然每秒2.8幅唔算太慢,但就最多影5張Jpeg,raw更慘,只有3張,即係一秒就影晒.再拍就要等幾秒或者降低連拍速度,浪費咗好好既對焦系統.
閃燈同步方面比較慢,只有1/180秒,太陽下用閃燈會被迫用較細光圈,不過其實都算OK.
鏡頭方面坦白講原廠鏡係比較小選擇,尤其係大光圈zoom鏡.不過副廠鏡支援都唔錯既,有機身防震其實平價選擇仲多.不過Pentax副廠鏡多數冇現貨,下下要訂的.
唔要Kit lens可以考慮Sigma 18-50mm f2.8 macro,三千零蚊有恆定大光圈,加埋機身防震,呢個配合好多題材都應該冇問題架喇.
Nikon D40/D40X係比較唔建議的.
首先冇機身摩打真係比較差勁既設計,好多平鏡都冇自動對焦,舉個例想搵支定焦大光圈玩淺景深都唔知買邊支好.
得3點對焦動態拍攝好蝕底.
優點都有既,1/500秒閃燈同步快門,好多中階機都冇
連拍雖然比較慢只有每秒2.5幅,但如果影Jpeg可以影到爆卡先停,影raw都可以有5張,D40x仲可以有9張.
而且3部機之中只有佢有機身輔助對焦燈,其他兩部都要靠閃燈
Nikon鏡頭支援一定冇問題啦.不過由於冇機身防震,要防震的話有機會要俾多好多錢.
唔要跟機鏡可以考慮原廠18-55mm f3.5-5.6 VR,雖然光圈細啲,但只要千幾蚊就有防震用,盡量減小低光時對腳架的需要.
Canon 350D除咗冇防震外,其實都冇乜好挑剔
有7點對焦點叫做夠用
每秒3幅連拍可以最多影14幅
1/200秒閃燈同步快門.
樣樣都中中地,平衡得幾好
Canon鏡頭支援都一定冇問題,只是規格好的原廠鏡價錢比較貴.
Canon同Nikon一樣,都係建議原廠用18-55mm f3.5-5.6 IS代替跟機鏡.理由一樣,有防震影相方便啲,而且跟據測試有防震呢支光學質素係比較好的.
以下網頁可以睇到相機規格
