請問怎樣在家製作排包?

你話做既麵包好硬,我相信你跟足食譜既份量,但要留意,將粉,水,蛋,酵母呢d野撈勻搓麵糰,要搓到光滑後再加入牛油,牛油可以分幾次加入.點先叫搓完而可以發酵呢,呢度要有番少少經驗,就係當你搓麵粉時,係應該向外推麵糰,間中將麵糰甩係枱上,增加筋性,搓到光滑後試下將麵糰用手指撐開,如果見到表面細緻又唔容易破裂,咁就可以開始發酵.如果一撐就裂開,即係未夠.

你做既麵包硬最大可能其實係發酵得唔夠,麵糰入面既空氣唔夠所以唔鬆軟.一般我地都要將麵糰發酵2次,第一次發酵要個麵糰發到2倍大,插隻手指落去,會留低個窿既就ok.跟住將個麵糰分成2-3份,將麵糰入面既空氣擠出黎,然後等佢鬆弛5分鐘到,整型然後再進行第二次發酵.咁就可以入焗爐.

其實排包既做法同一般既甜麵包一樣,只不過焗既時候將麵糰捲成條狀排埋一齊咁焗,焗時掃上蛋液,焗完後再掃糖水.

排包

麵包材料

高筋麵粉 750克

雞蛋 ２隻

淡奶 ２湯匙

乾酵母 ５茶匙

黃色色素 ２滴

蛋液（塗面用） １隻

糖 210g

蛋黃 2隻

溫水 1杯

雲呢拿香油 1/8茶匙

牛油溶液 4湯匙

糖水（塗面用） 1/4杯

做法

1. 高筋麵粉篩在桌上，中間開一穴；將糖、蛋、蛋黃、淡奶、溫水、乾酵母、香油等加入攪勻。

2. 慢慢將四週之麵粉撥入，加入牛油溶液，搓成軟糰，撻至乾身且有彈性。

3. 將麵糰放入已塗油之深盆中，以保鮮紙蓋著，放溫暖處1小時發酵；放氣、搓圓，再發１小時。

4. 將發酵好之麵糰取出，分切成４５克等份。滾圓後再蓋著鬆馳２０分鐘。

5. 用手拍扁，搓成長條，排放於已塗油之焗盤中，以保鮮紙蓋著，最後發酵２０分鐘。

6. 塗上蛋液，放入已預熱１６０度之焗爐內焗３０分鐘；取出塗糖水即成。

天然酵母)排包食譜

材料:

高根粉300g 天然酵母93g 糖84g 蛋黃1個18g

蛋1個46g 淡奶1湯匙15g 乾酵母1.5g 溶牛油4湯匙50g

溫水74g 雲呢拿油少許

做法: 一般做包做法。 做形:將發酵好之麵團取出，分成50g一份，滾圓後再鬆弛20分鐘。

用手拍扁再用麵棍輥長、卷回卷成長條狀，排放己塗油之盤中，掛的時候只要一條跟一條排好，不用預留太多空隙、以免麵團向左右發展、影響高度，最後發酵30分鐘。(用長窄焗盤效果更好)

塗蛋汁，放入己預熱180度爐內焗20分鐘；取出塗上糖水即成。

全麥湯種排包