怎樣才萛是你心中的理想丈夫呢?回答請表明是男或女

我係女

外表不重要, 但最起碼要五官端正四肢健全, 如有選擇6尺高中等身材,沒有地中海就最理想.

經濟重要的, 最起碼要有個住處及能維持正常的生活開支. 如有選擇當然係事業有成, 有車又樓, 唔洗供, 收入足以養妻活兒.

適當的時候要做適當的事情, 最理想的要遷就我, 有優默感, 平日亦有講有笑, 自動自覺報道, 不時要關心和稱讚.

對親屬不必太關心, 最好抱著可有可無的心態就可以. 對父母及自己父母要適時關心問候加慷慨, 如一個月自動自覺請父母飲茶/食飯就可以, 有禮貌要健談. 千萬不要太孝順.

結婚後的生活是兩個人共同生活的開始, 理想與不理想應在婚前已知, 當然生活習慣人人不同, 只能互相遷就適應, 共同解決面對, 不能途避問題, 要正視及互相提醒, 是另一種生活上的學習.

父母這個問題則要視乎其人的孝順程度, 有些人是愚孝, 有些人是不孝, 有些對人家父母比自己的好.... 本人認為要一視同仁, 如對自己父母好, 則要對另一半的父母亦好, 相方都要對等, 除非同一屋簷下. 但某程度上, 男方應多孝敬女方的父母, 因他們養到個女咁大, 就嫁人去服待老公及其他人, 如果他們得一個獨生女, 對他們來說是孤獨的開始, 所以男的亦應大方一點多加問候及探望. (當然排除一些另類不愛父母/早死,etc.的例子)

同朋友去玩唔理屋企就要不得, 話明已結婚, 就要先為家庭著想, 如沒有小朋友的話, 最好當然是兩夫婦一同去, 但當然有特別情況, 我相信只要兩夫婦是有供適的, 是絕對沒有問題.

怎樣才萛是你心中的理想丈夫呢?回答請表明是男或女【女】

外表重要嗎?應該怎麼樣?【整潔儀容，順眼就是了。】

經濟重要嗎?應該怎麼樣?【重要，要有穩定收入】

對你應該要怎麼樣才最理想?【關心，專一’負責任】

對家庭應該怎麼樣?【負責任】

對父母親屬應該怎麼樣?自己父母及對方父母!【尊敬，孝順】

對朋友應該怎麼樣?自己朋友及對方朋友!【友善相處，不借貸，不賭博】

很多有問題的婚姻都認為對方不理想,想知道咁究竟大家的理想對象要求係點呢?

【有以上優點，加誠懇對人…，愈多優點愈好。】

有d又認為對方父母麻煩,有d又認為對方唔尊重自己父母,想知道咁大家最理想係點呢?

【他識做人，處事有方，用愛心恆心扭轉局面】

有人又同朋友去玩都唔理屋企,想知道大家應該點態度對朋友先理想呢?

【屋企人會擔心，要有交待，未成年的青少年，更需要得家長同意才可外出甚至過夜。】

外表一般就ok!結婚前唔重要.結婚後都幾重要有個家.,愛我.有浪漫同情趣.我永遠都係佢心中第一個.事事以家第一,重要對家人好.佢愛我就會愛我屋企人愛屋及烏,對朋友要有情有義.對我d朋友要有禮貌.我都結左婚.我都唔係好滿意我既婚姻.我好唔開心.因為我老公成日都掛住做野.唔理我.關心佢公司d女多過關心我.佢每日都係打一次電話比我.就係問我食咩.之後都冇打啦!我地結婚後每日都講唔到十句野.我真係好悶.佢又唔比我做野,我好多朋友都好羨慕我.但我自己一d都唔開心.佢又冇情趣又唔浪漫.就算求婚都係我要求.佢都唔會做,最後都有做,因為佢應承左我,又唔想比我唱先做,我對佢好失望,加上結婚後佢對我做左好多好過分既野.一句講晒男人婚前婚後唔同樣.婚前你係寶婚後你係草.

I am 女

外表重要嗎?

說不重要的人，其實是騙人的。試想想，如果真的要你跟一個外貌很差的人kiss or even有進一步的行為，你受得了嗎?

經濟重要嗎?

當然重要。不過，當愛上一個人時，可能就會不理會此項。

對你應該要怎麼樣才最理想?

愛我，尊重我，明白我。

對家庭應該怎麼樣?

要照顧，要負責任，有承擔。

對父母親屬應該怎麼樣?自己父母及對方父母!

對我與他的家庭都要存有愛與尊重。

對朋友應該怎麼樣?自己朋友及對方朋友!

尊重我的朋友。

很多有問題的婚姻都認為對方不理想,想知道咁究竟大家的理想對象要求係點呢?

如上題所有答案。

理想丈夫？跟情人不一樣呢~

1. 外表不太重要，只要自然便可。

2. 經濟：唔駛住靚屋，渣靚車，只要夠生活便可。生活猛猛緊可能係會好辛苦，但卻可以留有一點空間為對方奮鬥。到老時都會有值得回味既時候。

3. 對自己最好要體貼，細心，有責任感，會保護自己，懂得真正欣賞自已，會尊重自已的意願並會分享自己既心意 (這可是男女合用的)

4. 有交戴，願為家庭付出的，唔指係$$，有問題時會幫忙解決。

5. 當然唔係要日日見住，不過相對時起碼係真誠的。會尊重/孝順對方，不論是親屬，自己父母或對方父母，都一樣的。(要真心的，唔要虛偽的) 當然多加對對方的關懷更好。

6. 同樣會尊重對方，不論係自己朋友或對方朋友! 同朋友玩，盡量一齊出席較好，夫妻間更會多一點話題。不要單獨自己出去玩，會令對方認為你覺得佢唔好，唔想帶佢出黎。明白有時有d場合係唔太方便攜眷，但要分輕重，唔好太多時候係咁，如果唔係對方會覺得你唔重視佢(同人地玩重重要過自己！)

我是女的，呢度我只係講我認為最理想的，當然人係冇十全十美，現實未必會有咁既人...

另外，這些問題(尤指對家庭對朋友) 問唔同既人係會有唔同的答案呢，最緊要你要知道你既她/他係邊一類人呢~

我岩岩結婚無內，學緊做人老婆，我覺得外表重要架，話曬要成世對住喎…雖然未必要好靚仔，但起碼要順眼，唔好太醜！如果唔係第時好易會出去偷食！

而經濟，就要睇下對方係幾多歲啦！如果只係得十幾二十歲，你無可能要求佢有好大既經濟能力，但一定要佢有上進心！肯捱先好跟佢，但如果係年紀有返咁上下，就一定要佢有穩定收入，經濟其實都好重要啦…因為好多時D人嘈都係為錢！所以我覺得最好其實係自已一定要有經濟能力，唔可以只係靠個老公養！咁自已對住佢自信都多D…而且男人係好衰架，佢知道你無左佢唔得，就算對你死心塌地都好啦，但對你既態度一定會差D架！

而佢要對自已點先係理想？對於我泥講，無論佢做錯咩事，我都唔會離開佢，但唯一我接受唔到既就係係出面有第二個，我諗個個女人都係咁！諗得同佢結婚，佢對你一定唔太差先啦…有時候鬧交係一定有架啦！但時後佢都會哄我，一定唔可以打我！有咩事都要對我坦白，唔開心又好，開心又好，只要係佢既事都要講我知，對我咁我已經覺得好夠啦！不過兩個人相處係每個人都唔同要求啦！我可能要求低D，你可能要求高D，但千其唔好搵我大家泥比較！只可以參考…因為我同你係兩個人啦！大家思想根本就唔同！

對家庭其實只要有責任心就已經好夠，如果有仔女既話，一個男人可以唔再愛你，但一定要愛自已既仔女！要負反自已做爸爸既責任！咁就算你同佢他日分開，佢仍然係對家庭負左責任！

對父母親屬當然係要尊敬啦！如係過節啦，生日呀個D日子陪下佢地食飯，唔好嫌佢地煩！

對朋友我就覺得差D都唔怕，因為佢對朋友過份好，對我泥講就一定係對我差！首先如果佢成日同朋友出去，只係陪朋友！咁你諗下，反工反左大半日，之後又要陪朋友，咁陪自已咪變左無時間羅！而且有時有D朋友唔係咁好，問佢借錢或許去玩，搞到大家嘈你話幾唔值得呢！

其實只要佢係愛你，佢就會肯去改，努力咁去做好，當然自已都要改啦！唔好成日都要求佢點點點！佢都係一個平凡人，係無完美架！而自已仍都可能有好多野做唔好！婚姻係要靠大家去維持，而唔係佢呀！如果大家真係有問題發生左，一定要去了解原因，唔好只係識去怪對方！

我是女仔.

外表----都重要,但唔係要靚仔,但唔可以矮過自己,同埋個人望落去要乾淨清潔既感覺.

經濟----幾重要,唔係要好有錢,但至少唔會令到我覺得同佢一齊有經濟壓力,我試過同一個poor man一齊三年,佢問過我借過一萬幾千,出街十次有七次食飯我俾錢,就算大家係真心相愛我自己都覺得難受囉. 如果做得老公既,唔好話要佢養起成頭家,至少要有隱定收入.

對自己----當然要對自己好啦!佢做得我老公既,對我要有責任,放工返屋企食飯,同老婆傾吓計,好唔好都講.放假要一齊出去食吓飯,玩吓. 唔可以對其它女人有半點越軌行為.

對家庭----當然要有責任啦!!!! 無論發生咩事,都要顧及屋企, 有咗小朋友既,當然要更加努力搵錢,俾最好既野屋企. 哩d係男女相方都有責任去做.但做男人係要背著更大既責任囉.

對父母----唔好話每個月俾錢呀爸媽,最緊要係關心佢地,多d同佢哋食飯傾計,就算唔係同父母住都要care佢哋既身體囉! 對我爸媽當然要同對自己爸媽一樣,唔洗話俾錢呀咁樣,最緊要係識關心我爸媽. 同埋對住我爸媽時要表現大方,隱重,唔係我父母會擔心我生活得開唔開心囉.

對朋友----適當時候要約朋友出嚟玩,吹下水.我唔鐘意d男人結咗婚之後咩朋友都無哂,淨係得返自己老婆同埋仔女.好dry嫁咁既生活. 至於我朋友,當然專重我每一個朋友啦,就算佢幾唔鐘意我某d朋友,都唔可以破壞我同我朋友既關係.如果我有男仔朋友既,我老公擔心,我咪同佢玩少d囉,出少d街囉.

婚姻問題----其實一對情侶,無可能係100%理想既. 每個人都會有缺點嫁啦,就算宜家同哩個分咗手,下一個你又會擔保係會滿意咩? 唔會嫁喎.每對情侶都會鬧交,會有不滿. 只不過宜家時代進步,女性地位越高,而男性又會有中國傳統思想,好多野都要叻過女人,喺哩d種種情況下,好易會有磨擦．例如，以前女人甘願洗衫煮飯湊仔，老公出去搵錢，但宜家老婆又嚴老公唔幫手做屋企野，又話唔理個仔等等．咪離婚收塲囉．

相方父母問題----我個人認為，未結婚前，如果某一方父母唔鐘意自己仔女的伴侶，我會選擇分手．因為父母係最錫自己既人，如果父母都唔鐘意既，將來點對住一世呀？而咁樣亦都會令到自己伴侶難受．夾喺中間，成日為咗好少既事鬧交．我唔想咁樣囉．如果我父母唔鐘意我男友，或者我男友父母唔鐘意我，我都會選擇分手．

朋友問題----嗱，老公同朋友去坃係好正常，但唔可以經常去，一個week一次都ｏｋ．因為男人又好，女人又好，無可能將所有時間方喺屋企既，個人會顛嫁！！！但如果日日都話同朋友出去玩呀，飲野呀就絶對不能接受，一來，有自己屋企仲漇咁多錢去玩咩？二來，明明好人好者都可能咁樣而變啦．

哈．．．．講得太多呢．．．

有型,靚仔(七分斯文三分粗豪),有錢有面有學歷,功夫了得,5呎十寸高.愛妻子兒女,孝順父母,愛護兄弟姊妹,對長輩尊敬,對朋友有情有義,對世人有愛心和善心,對社會有貢獻等等。

( 嘩,世間難求,我都想要)

女

外表不重,但又唔係可以驚嚇,一般啦

經濟重要, 冇$點養家呢

大家就下大家啦

對家庭一定要擺係第1,

應該多關心自己父母及對方父母!老人家唔擺得幾耐架

對自己朋友及對方朋友要nice, 誠實,得就得唔得唔好認第一

有問題就要講,唔好收埋,

同父母分開住, 預先安排邊日去visit 邊個父母

同朋友去玩但都唔唔好咁夜返,或帶埋屋企人去, 去唔到老實d同朋友講, 佢地當你係friend一定會體諒你既,